Иако за некои е разочарувачки, овие резултати се последица на заострените стандарди кои Euro NCAP ги воведе во 2010 година. Затоа потребно е овие резултати да се земат со резерва, доколку се споредат со старите од 2009 година. Имено, границите за кои е потребно да се освојат петте ѕвездички се зголемени во три области и тоа: сигурност на возрасни од 75 зголемено е на 80%, сигурност на деца од 70 на 75% и сигурност на пешаци од 25 на 40%. Ова се новите критериуми за еден автомобил да освои пет ѕвездички на краш тестот.

Toyota Verso е автомобилот кој освои 5 ѕвездички, а изненадување е и слабиот резултат на Venga кој е релативно нов модел на пазарот. Tрите ѕвездички на Citroen до некаде се и разбирливи, бидејки тестираниот патнички Nemo, е изведена варијанта од неговата товарна верзија. Nissan Cube исто така влегува во новите тестови на Euro NCAP со освоени 4 ѕвездички.

Ако се погледнат и автомобилите кои се тестирани, ќе забележиме дека се работи претежно за мали автомобили. Исклучок секако претставува Seat Exeo кој освои само 4 ѕвездички. Недозволиво е за автомобил од таа класа да има помалку ѕвездички од максималните пет, а ова е уште еден доказ за староста на овој автомобил кој е направен на платформата на претходниот Audi A4.

Погледнете ја целосната табела подолу...