Сторијата за неа започнува во 1972 година, кога првата “петка“ со кодно име E12 го наследи моделот 2000CS и донесе дотогаш невидени решенија – клима  уред, електричнa манипулација со прозорците и електрични брави.

Генерацијата Е28 ги обележа осумдесетите со појавата на ознаката “М“, односно фабрички тјунираните модели, како и статусот на заштитен знак на германската полиција.

Верзијата на заминување (E60) е брилијантен автомобил по сите параметри, во врвот на средно – високата класа, така што пред наследникот F10 е предизвикот да ја одбрани или пак подобри репутацијата на претходниците.

А под неа се подразбира големата моќност, супериорните возни својства, луксузот и издржливоста, поради што BMW 5 е еднакво обожуван и од директори, и од полицајци, и од обични луѓе.

Од ’72-а до денес продадени се пет милиони “петки“, а по повод излегувањето на најновата правиме фото – ретроспектива на досегашните генерации.